«Պատրանքներ չունենք․ հենց դատավճիռը լինի, դատախազությունը կբողոքարկի»․ Ռուբեն Մելիքյան

«Սա արդարության և իրավունքի հաղթանակ է, այն հույսի հաղթանակն է, որ ի վերջո մենք Հայաստանում ունենալու ենք մեր երեխաներին արժանի իրավական պետություն՝ այն առումով, որ մարդկանց նկատմամբ չի կիրառվի քաղաքական նպատակադրումից ելնելով՝ հարկադրանք, ունենալու ենք դատարաններ, որոնց վստահելու ենք բոլորս»,- այս մասին լրագրողների հետ զրույցում նշեց փաստաբան Ռուբեն Մելիքյանը՝ անդրադառնալով «Իմնեմնիմի»-ի գործով արդարացման վերդիկտի կայացման փաստին։

Մելիքյանի խոսքով՝ այդ գործը կյանքի իրավունք չուներ՝ իրավական տրամաբանության մեջ, այն քաղաքական հետապնդում էր՝ պայմանավորված Վազգեն Սաղաթելյանի և Նարեկ Սամսոնյանի ընդդիմադիր գործունեությամբ։

«Այս վարույթը դեռ ավարտված չէ, ունենք լրացուցիչ դատալսումներ․․․ Պատրանքներ չունենք, կարծում ենք, որ հենց դատավճիռը լինի, դատախազությունը, մեծ հավանականությամբ, կբողոքարկի, և կունենանք քննարկում արդեն Վերաքննիչ դատարանում»,- հավելեց փաստաբանը։