«Վստահ եմ՝ ՀՀ երկրորդ նախագահը նկատի ուներ գործող իշխանությանը, ոչ թե ՀՀ բնակչությանը»․ Քրիստինե Վարդանյան

«Ասել՝ հայերը հրահրեցին, հայկական կողմը, հայկական իշխանությունները, շատ վատ հայտարարություն է․ հրահրելը կոնկրետ մեղադրանք է»,- անդրադառնալով ՀՀ երկրորդ նախագահի հայտարարությանն ու դիմելով ԱԺ «Հայաստան» խմբակցության պատգամավոր Քրիստինե Վարդանյանին, ասաց լրագրողը։ «Այսինքն՝ Փաշինյանի հայտարարություններն ու գործողությունները առիթ են տվել Ալիևին՝ արդարացնելու իր գործողությունները․․․․ ես վստահ եմ՝ ՀՀ երկրորդ նախագահը նկատի ունի գործող իշխանություններին, ոչ թե ՀՀ բնակչությանը»,- նշեց պատգամավորը։

Օրեր առաջ «Հայկական համալսարանի» ունկնդիրների և դասախոսների հետ հանդիպմանը Ռոբերտ Քոչարյանն ասել էր․ «․․․Այս պատերազմը որ եղավ, չպետք է լիներ։ Այս պատերազմը հրահրվեց մեր կողմից, հայերի կողմից, հայկական իշխանության կողմից։ Այո՛, բանակցությունները ձախողեցին, անպատասխանատու ամպագոռգոռ հայտարարություններ արեցին, ամեն ինչ արեցին, որ Թուրքիան, Ադրբեջանի թիկունքում սենց ամբողջ բոյով կանգնի, և վերջում ստացանք սա»։