«Իմփիչմենտիստներն իրենք էլ գիտեն, որ նիկոլին ԱԺ-ով անվստահություն հայտնելն անհնարին է». Ռոբերտ Մարգարյան

Քաղաքագետ, իրավաբան Ռոբերտ Մարգարյանը ֆեյսբուքյան իր էջում գրել է. «Երեկ լռեցի, քանի որ իմփիչմենտի թեմայով խոսողներ բարեբախտաբար արդեն շատ կան:
Այսօրվա համար էլ այս կարճ գրառումը: Մինչև վաղը երբ կխոսեմ իմփիչմենտիստների վերջին երկու օրերի ստերի մասին:
Այսպես կոչված «Արթուն ենք» շարժումը կամ ավելի ճիշտ երկու իմփիչմենտիստների ու նրանց թիկունքում թաքնվածների շարժումը նիկոլի «կրթվելը նորաձև է» շարժման բաղադրիչ տարրն է:
1. Իմփիչմենտիստներն իրենք էլ գիտեն, որ նիկոլին ԱԺ-ով անվստահություն հայտնելը (չնայած Սահմանադրությամբ դրա գործիքակազմի առերևույթ առկայությանը) անհնարին է: Հետևաբար չնայած նրան, որ խոսում են ընտրությունների դեմ, բայց նրանց թիկունքում թաքնվածներն իրենք էլ ակտիվորեն պատրաստվում են հաջորդ ընտրությունների համար:
2. նիկոլ-աննա զույգի «կրթվելը նորաձև է» շարժման բուն նպատակը ընտրական ոչ-պաշտոնական քարոզարշավն է ու նրանք էլ պատրաստվում են ընտրությունների համար: Այլապես կրթված ու սեփական ուղեղով մտածող ժողովուրդն առաջինը վտանգ է հենց նիկոլ-աննա զույգի համար: նիկոլն ու աննան ուր, կրթությունն ուր:
3. Ցանկացած ընտրական քարոզարշավ, հատկապես ոչ-պաշտոնական փուլում, ունի երկու բաղադրիչ տարր:
Ա. PR-ում ես սեփական անձդ,
Բ. Հակաքարոզչություն ես տանում քո գլխավոր ընդդիմադիրիդ դեմ ու հարվածում ես նրան:
Եզրակացություն.՝
- նիկոլ-աննա զույգի ընտրական քարոզարշավի առաջին բաժինն իրականացնում ենք հենց իրենք՝ «Կրթվելը նորաձև է» շարժման միջոցով:
- նիկոլ-աննա զույգի ընտրական քարոզարշավի երկրորդ բաժինն իրականացնում են իմփիչմենտիստները կեղծ օրակարգի տակ հարվածելով նիկոլից հետո այս պահի դրությամբ ամենաբարձր վարկնիշն ունեցող (հենց իրենց հետ փոխակապակցված հաստատությունների սոցհարցումների համաձայն) ու առաջիկա ընտրություններում նրա գլխավոր մրցակից նախագահ Ռոբերտ Քոչարյանի ու նրա գլխավորած «Հայաստան» դաշինքի դեմ»: