«Նախընտրական արշավի ֆալշ-ստարտը վաղուց է տրված»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «1990-կան թվականների սկզբին Նոյեմբերյանի գյուղերից մեկի բնակիչն ասել է, որ շուտով գալու են ժամանակներ, որ գժանոցների փոխարեն Հայաստանում «խելոքանոցներ» են սարքելու, որտեղ խելացի մարդիկ կարողանան գժերից հեռու ապրել։ Նայում եմ, թե Տավուշի մի գյուղում կենսաթոշակառուները ոնց են գոհ Նիկոլ Փաշինյանից, որ Արցախը, հետո էլ Հայաստանի տարածքները մաս-մաս հանձնել է դարավոր թշնամուն, վերջին 2 տարում կենսաթոշակները չի ավելացրել, անցած 7 տարում գյուղերում հակակարկտային կայաններ չի տեղադրել, ոռոգման ջրամբարներ չի սարքել, պետական բժշկական և գյուղատնտեսության պարտադիր ապահովագրություն չի արել, Հայաստանի պետական պարտքը կրկնապատկել է, սարքել 13,6 միլիարդ դոլար, պետական բյուջեն մսխում է ոչ արդյունավետ աշխատող պաշտոնյաներին պարգևավճարներ բաժանելով։
Իրենց համար կարևորն այն է, որ հնարավորություն ունեցան Նիկոլ Փաշինյանին մոտիկից տեսնելու, ձեռքով բարևելու, նրա հետ խոսելու։
Նախընտրական արշավի ֆալշ ստարտը վաղուց է տրված»։