«Նիկոլ Փաշինյանի և ադրբեջանցու երազանքը Նախիջևանի հզորացումն է». Հրայր Կամենդատյան

Տնտեսագետ Հրայր Կամենդատյանի ֆեյսբուքյան գրառումը. «Եվրասիական միջազգային գիտավերլուծական ամսագրի 2024 թվականի 4-րդ համարի մեջ ադրբեջանցի մի հասանով կոչեցյալ ահա թէ ինչ է գրել:
-Նախիջևան-Զանգեզուր-Մինջիվան երկաթուղային գծի վերականգնումը էական ազդեցություն կունենա ինքնավար հանրապետության շրջափակման վերացման, ինքնավար հանրապետության ներսում բեռնափոխադրումների արժեքի կրճատման, արտաքին առևտրի շուկաների և հարևան երկրների հետ տրանսպորտային կապերի ընդլայնման վրա։ 2020 թվականի նոյեմբերի 10-ի կառավարության որոշման համաձայն՝ Զանգիլան-Նախիջևան երկաթուղային գծի վերականգնումը թույլ կտա տարածաշրջանին դառնալ միջազգային տրանսպորտային միջանցք։
Դրանով իսկ կարևոր էներգետիկ և տրանսպորտային միջանցքներին մոտիկությունը, մասնավորապես՝ Զանգեզուրի միջանցքի միջոցով «Միջին միջանցքի» հետ լոգիստիկ կապերը կստեղծեն մրցակցային զբոսաշրջային ներուժ, արտահանմանն ուղղված արտադրության զարգացման հեռանկարներ, օտարերկրյա ներդրումների ներգրավում եվ արտաքին առևտրի զարգացում:
Դուք որևէ տարբերություն գտնում եք հայաստանի հանրապետության քպ վարչախմբի ղեկավարի եվ այդ ազերի կեղծ գիտական աշխատողի ցանկությունների միջև: Երկուսի երազանքը Նախիջևանի հզորացումն է,պարզապես մեկը դա անում է անթաքույց, իսկ մյուսը խաղաղության կեղծ օրակարգի շրջանակում»։