«Իմփիչմենթի ճանապարհով Նիկոլ Փաշինյանին հեռացնելու համար պետք է գեներացնել փողոցը». Իշխան Սաղաթելյան

«Իմփիչմենթի ճանապարհով Նիկոլ Փաշինյանին հեռացնելու համար անհրաժեշտ է գեներացնել փողոցը, որպեսզի փողոցային ճանապարհով հաջողենք, իրավիճակը հասունացնենք, հասնենք նպատակակետին»,- «24Նյուզ»-ի եթերում այս տեսակետն է հայտնել ԱԺ «Հայաստան» խմբակցության պատգամավոր Իշխան Սաղաթելյանը: Նա ընդգծել է, որ անհրաժեշտ է այս իշխանությանը ստեղծել իրական հակակշիռ, որ երկրում լինի երկիշխանություն, պետական կառավարման համակարգը պարալիզացվի, և փողոցը սկսի թելադրել, թե ՔՊ-ի պատգամավորներն ու օրվա իշխանությունը ինչ պետք է անեն: «Փողոց դուրս գալու և վերջնական հաջողության հասնելու համար այն, ինչ որ մինչև հիմա չենք կարողացել անել, պետք է դա անենք՝ իրական հակակշիռ ձևավորենք և ուժ կուտակենք: Այս պահին ես տեսնում եմ, որ այն, ինչ որ արել ենք մենք, բավարար չէ վերջնական հաջողության հասնելու համար, որովհետև այս անգամ, իրոք, պետք է կարողանանք այս ամեն ինչը ավարտին հասցնենք»,- նշել է Սաղաթելյանը: