«Կոռուպցիան համարում ենք ազգային անվտանգության սպառնալիք»․ Արմեն Գրիգորյան

«Կոռուպցիան մենք համարում ենք ազգային անվտանգության սպառնալիք։ Քանի որ կոռուպցիայի դեմ պայքարը կառավարության համար առաջնահերթություն է, անվտանգության խորհուրդը նաև դրա շրջանակներում է աշխատանքներ կատարում»,- լրագրողների հետ զրույցում ասաց ԱԽՔ քարտուղար Արմեն Գրիգորյանը՝ Անդրադառնալով հարցին, թե ՀՀ անվտանգության խորհուրդը ի՞նչ կապ ունի կոռուպցիոն դեպքերի վերաբերյալ մամուլի հրապարակումները հավաքագրելու հետ։

«Կոռուպցիայի մասին մամուլում տեղ գտած բոլոր հրապարակումները հավաքագրվում են։ Մեր հիմնական ուշադրությունը, բնականաբար, նաև կառավարության անդամների, ՏԻՄ մարմիններում աշխատող քաղաքացիներին վերաբերվող հրապարակումները։ Այսինքն, բոլոր այն հրապարակումները, որոնք, ամենայն հավանականությամբ, դուք էլ եք տեսնում, մենք հավաքագրում ենք ու զեկուցում ենք վարչապետին»,–ասաց Գրիգորյանը։