«Ժիրայր Սեֆիլյանը հրավիրվել է ՀՀ քննչական կոմիտե»․ Վահագն Ավագյան

Ազգային-Ժողովրդավարական Բևեռի խորհրդի խոսնակ Վահագն Ավագյանի գրառումը․ «Տեղեկացնում եմ, որ ընդդիմադիր գործիչների դեմ անհեթեթ կեղծիքների հիման վրա գործեր տվող և ադրբեջանական անցակետերով անխոչընդոտ մուտք/ելք ունեցող Սամվել Բաբայանի կողմից «հայտնված բացահայտման» և Ազգային Ժողովում նախօրեին Անդրանիկ Քոչարյանի կողմից դրա հիման վրա ՀՀ գլխավոր դատախազին տրված քաղաքական հրահանգը հապշտապ ի կատար է ածվել վերջինիս կողմից։
Երկուշաբթի օրը՝ մայիսի 12-ին, Ժիրայր Սեֆիլյանը հրավիրվել է ՀՀ քննչական կոմիտե, վկայի կարգավիճակով մասնակցելու հարցաքննության՝ հոկտեմբերի 27-ի գործի ինչ-որ անջատված մասով։
Կոլաբորացիոն վարչակազմի կողմից որևէ գործի քննություն իրականացնելը մեր ժողովրդի մոտ ծիծաղ և արհամարհանք է առաջացնում, առավել ևս որ ռեժիմը այլևս քաղաքական պատվերները հրապարակային է իջեցնում, չթաքցնելով, որ իրենց համար արդարադատությունը քաղաքական հետապնդման միջոց է ընդամենը։
Էլ ավելի զավեշտալի է այն հանգամանքը, որ այս դարի բոլոր գործերով «արդարադատության հասնելուց հետո» ռեժիմը անցել է արդեն նախորդ դարերի գործերին։
Հարցաքննությունից հետո կտրվեն լրացուցիչ մանրամասնություններ և գնահատականներ»։