«ԱԺ ընտրություններն իշխանությունների համար լինելու են կյանքի ու մահի պայքար»․ Վազգեն Մանուկյան

«2026-ի ԱԺ ընտրություններն իշխանությունների համար լինելու են կյանքի ու մահի պայքար, անելու են ամեն ինչ, ինչ չարեցին Գյումրիում․ դա իշխանություն, փող կորցնելու հարց է ու գնալու են մինչև վերջ»,- ԱԺՄ համագումարի ժամանակ հայտարարեց կուսակցության առաջնորդ Վազգեն Մանուկյանը՝ հավելելով, որ պետք է լինի ճակատ․ «Էդ ճակատը կարող է գնալ ընտրությունների, ընտրությունները լավ ձև կարող են լինել՝ իշխանություն փոխելու։ Երկու տարբերակ կա, ճակատը միասնական թեկնածու է դնում, որին չեմ տեսնում․ ՀՀ-ում գոյություն չունի մարդ, որի շուրջ ժողովուրդը կհամախմբի։ Կարելի է միասնական ճակատով գնալ, երկու-երեք մասի բաժանվել, մտնել ընտրություններ, բայց ավարտից հետո չկանգնել, որովհետև հաստատ հաղթելու ենք։ Մինչև վերջ գնալ ու իշխանությունը վերցնել»,- նշեց նա։ Մանուկյանն առաջարկեց, որ կուսակցության նորընտիր ղեկավարությունը փաստաթղթի նախագիծ պատրաստի, թե ինչի շուրջ են համախմբելու բոլորին։