«Եթե ԱԺ-ն անվստահություն չհայտնի Փաշինյանին, ապա այս կազմից ոչ մեկը հաջորդ ԱԺ-ում հայտնվելու իրավունք չունի»․ Էդգար Ղազարյան

Հասարակական-քաղաքական գործիչ Էդգար Ղազարյանի ֆեյսբուքյան գրառումը․ «2025 թվականի ապրիլի 28-ից ի վեր, այն պահից, երբ Ազգային ժողովի բոլոր պատգամավորները ստացել են Նիկոլ Փաշինյանին անվստահություն հայտնելու (իմպիչմենթի) գործընթաց նախաձեռնելու հիմնավորված առաջարկություններ, դեռևս չի գտնվել Ազգային ժողովի «Հայաստան» կամ «Պատիվ ունեմ» խմբակցությունների թեկուզ մեկ պատգամավոր, ով նախաձեռնի նման գործընթաց։ Հետևություններ անելու և իրավիճակին գնահատականներ տալու համար գոյություն ունեն տրամաբանական և ողջամիտ ժամկետներ։ Մեկ ամիսը, կարծում եմ, բավարար է դրա համար։ Այն լրանում է մայիսի 28-ին՝ Առաջին Հանրապետության խորհրդանշական օրը։
Մինչ այժմ հնչած բոլոր հայտարարությունները և գործողությունները դեռևս հեռու են հիմնավոր համարվելուց։
Մի բան հստակ է։ Եթե այս գումարման Ազգային ժողովը չկարողանա անվստահություն հայտնել Նիկոլ Փաշինյանին, ապա այս կազմի պատգամավորներից և քաղաքական ուժերից ոչ ոք իրավունք չունի Ազգային ժողովի հաջորդ կազմում հայտնվելու հավակնություն ցուցաբերել»։