«Հայաստանն այնքան ինքնիշխան է այսօր, որ ինքն իրենից անգամ կախված չէ»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Նիկոլ Փաշինյանի՝ Սարդարապատի հուշահամալիրում Հանրապետության օրվա առթիվ ելույթից.
«Այսօր մենք ավելի պետություն ենք, քան երբևէ, ավելի ինքնիշխան ենք, քան երբևէ, ավելի անկախ ենք, քան երբևէ»: Այսօր Նիկոլ Փաշինյանի ղեկավարած պետության տարածքի մի մասն Ադրբեջանի զինուժի կողմից օկուպացված է, Գյումրիում է գտնվում ռուսական ռազմաբազան։ Տնտեսության հիմնական ճյուղերը օտար երկրների ընկերւթյունների ձեռքին են։ Ինքնիշխան Հայաստանի քաղաքացիներին Բաքվում խոշտանգում, դատում են, իսկ Նիկոլ Փաշինյանը Ալիևին խնդրում է իր հետ սուրճ խմել։ Հայաստանն այնքան ինքնիշխան է այսօր, որ ինքն իրենից անգամ կախված չէ»։