«Արցախի էջը որևէ մեկը չի կարող անվերադարձ փակել»․ «ՀայաՔվե»

«ՀայաՔվե»-ի թելեգրամյան գրառումը․ «Գիշատիչ գազանի հոտառությամբ՝ Ադրբեջանը զգացել է զոհի հոտը և ձգտելու է վերցնել առավելագույնը։

Ադրբեջանի նպատակն Արցախը չէ, այլ հայկական գործոնը վերացնելը, որպեսզի իրենք կարողանան անարգել, առանց որևէ խոչընդոտի միանալ Թուրքիային, և Կասպից ծովով դեպի Կենտրոնական Ասիա իրականացվի Մեծ Թուրանի ծրագիրը:

Եթե մենք ուշադրություն դարձնենք արցախյան հակամարտության կարգավորման բանակցային գործընթացին, բոլոր այն կետերում, երբ կողմերն ամենամոտն են եղել համաձայնության, միշտ Ադրբեջանն է սաբոտաժի ենթարկել բանակցությունները։

Հայաստանն առնվազն երեք-չորս անգամ պատրաստ է եղել փաստաթուղթ ստորագրելու, այդ բոլոր դեպքերում էլ Ադրբեջանն է հրաժարվել։ Չնայած Փաշինյանը փորձում է վերջնականապես փակել Արցախի էջը, պետք է արձանագրել, որ չկա այնպիսի մեկը, որը կարող է անվերադարձ փակել այն, քանի որ Արցախը կոնկրետ որևէ մեկին չի պատկանում»։