«Հուսով եմ՝ հասկանալի կդառնա՝ ինչու են շտապում խաղաղության պայմանագիր ստորագրել»․ Վարդան Բալյան

Քաղաքական վերլուծաբան Վարդան Բալյանի ֆեյսբուքյան գրառումը․ «Մայիսի 29-ին Բաքվում քննարկում էին Երևանի հանձնումը հայերիս՝ այն անվանելով ադրբեջանական պետության ռազմավարական ամենամեծ սխալը պատմության մեջ, որ դարձել է ադրբեջանցիներին պատուհասած ողբերգությունների գլխավոր պատճառը: Կլոր սեղանի մասնակիցները միաձայն համաձայնել են, որ Ազգային մեջլիսի կողմից ընդունված որոշումն ընդամենը ներքին իրավական փաստաթուղթ է, հետևաբար, որևէ միջազգային իրավական պարտավորություններ Ադրբեջանի Ժողովրդական հանրապետության և նրա իրավահաջորդ Ադրբեջանի հանրապետության համար չի ստեղծում: Հայաստանի հետ խաղաղության հեռանկարով ոգեշնչված մեր ադրբեջանցի բարեկամները համաձայնել են այն մտքի հետ, որ հայկական պետությունը կադաստրի թուղթ իսկապես չունի, քանի որ Հայաստանի Հանրապետության սահմանների հարցը մասնակիորեն որոշող 1918 թվականի հունիսի 4-ի Բաթումի հաշտության պայմանագիրը կոպտորեն խախտվել է և չի վավերացվել Հայաստանի կողմից:
Հուսով եմ, շատերին ի վերջո հասկանալի կդառնա, թե ինչու են երևաններում հիպոթեքով ու կանխիկ գումարով տներ առածները շտապում ամեն գնով խաղաղության պայմանագիր ստորագրել Հայաստանի հետ խաղաղության ձգտող Ադրբեջանի հետ»: