«Ընդդիմախոսները ճիշտ կանեն իրենց տոնայնությունը զսպեն»․ Տիգրան Ավինյան

«Առաջին Հանրապետության տոնը շատ կարևոր խորհուրդ ունի իր մեջ։ Այդ խորհուրդն ասում է, որ որևէ ժամանակաշրջան, որևէ դժվարություն չպետք է մեզ ընկճի, որովհետև մեր պատմությունը ցույց է տալիս, որ հայ ժողովուրդն ունենում է կամք նույնիսկ դժվարին իրավիճակներում լուծումներ գտնելու»,- Ապարանում կազմակերպված տոնական միջոցառման ժամանակ լրագրողների հետ զրույցում ասաց Երևանի քաղաքապետ Տիգրան Ավինյանը։ «Այսօր մեր ամենակարևոր խնդիրը ՀՀ անվտանգության, սուվերենության պահպանումն է, որը պետք է լուծվի դիվանագիտական ճանապարհով»,- հավելեց նա։
Անդրադառնալով Նոր Նորքի թաղապետի հրաժարականին՝ Ավինյանը համարեց, որ քայլը քաղաքական պատասխանատվության դրսևորում է։ Նրա խոսքով ընդդիմախոսները շատ վտանգավոր տոնայնությամբ են խոսում․ «Ընդդիմախոսները ճիշտ կանեն իրենց տոնայնությունը զսպեն։ Այդ տոնյանությունները բերում են նման միջադեպերի, նրանք գնում են սադրանքների։ Չպետք է գնանք սադրանքների, դրա մասին ասել եմ բոլորին, մեր պաշտոնյաները պետք է լինեն զսպված, բայց դիմացի կողմն էլ պետք է հասկանա, որ կան կարմիր գծեր»,- ասաց Ավինյանը՝ հավելելով․ «Կոռուպցիայի մասին հեքիաթներից գնացեք ուրիշ տեղ խոսեք»։