«Կարդացել եմ ու տեղս չեմ գտնում»․ զոհվածի հայր

«Եթե գլուխներս ստրուկի նման կախենք Ադրբեջանի առաջ՝ առանց արժանապատվության, ինքնասիրության, ինքն էլ սուրը միշտ ճոճի, ինչպե՞ս կկարողանանք բարեկամություն անել»,- Եռաբլուրում «24Նյուզ»-ի հետ զրույցում ասաց զոհվածի հայրը՝ անդրադառնալով Ալեն Սիմոնյանի խոսքին, թե հայերն ու ադրբեջանցիները կկարողանան իրար հետ ապրել և առևտուր անել։ Ասում է՝ այդ խոսքերը կարդալուց հետո տեղը չի գտնում․ «Դա մենակ կարող է անել մեր ղեկավարությունը, իրենք թուրքամետ են, իսկ ժողովուրդը չի կարող։ Ոչ մեկս էլ թույլ չենք տա, որ ինչ-որ ադրբեջանցի գա էստեղ ապրի, առավել ևս՝ առևտուր անենք։ Տղաս կամավոր գնացել է հայրենիքը պաշտպանելու, բայց պարզվեց՝ մեր ղեկավարությունը թիկունքից դավաճանել, խփել է մեր տղաներին։ Նրանք կռվում էին, իսկ ղեկավարությունը սկուտեղով թշնամուն նվիրեց Արցախը։ Մեր ղեկավարությունը կարող է գնալ, ապրել Բաքվում, էնտեղ գլխների վրա տեղ ունեն»,- ասաց զոհվածի հայրը։