«Հայ Առաքելական Եկեղեցու դեմ Փաշինյան-Ալիև սինխրոն գրոհը մեծ թափով շարունակվում է»․ Դավիթ Ֆիդանյան

Լրագրող, պատմաբան Դավիթ Ֆիդանյանն իր ֆեյսբուքյան էջում գրել է․ «Դավաճանը փորձ է անում ջնջել եկեղեցու դեմ արշավի հիմքում ադրբեջանական հետքը:
Հայ Առաքելական Եկեղեցու դեմ Փաշինյան-Ալիև սինխրոն գրոհը մեծ թափով շարունակվում է: Վարչախումբը Առաքելական եկեղեցու դեմ սկսած գրոհը հասարակությանը փորձ է անում մատուցել, որպես այսպես ասած ներքին օրակարգ՝իր տարբեր էլեմենտներով, ինչպես օրինակ Սահմանադրության փոփոխության հարցը: Եվ վերոգրյալի շուրջ պետք է մի քանի կարևոր դիտարկումներ անել: Առաջին՝ ի հեճուկս վարչախմբի և նրա պարագլխի կողմից ահագնացող տոտալ կեղծիքի, մանիպուլյացիաների, չպետք է մոռանալ, որ եկեղեցու դեմ ողջ ճակատով այս գրոհը սկսվել է Կոկվկասի մահմեդականների առաջնորդ Փաշազադեի՝ հայ եկեղեցու դեմ հայտնի հայտարարություններով: Երկրորդ՝ ադրբեջանական մամուլը այս օրերին ուղղակի էքստազի մեջ է հայտնվել՝ ազգակործան պատուհասի հայտարարություններից հետո: Երրորդ՝ այն որ եկեղեցու դեմ սկսված գրոհը ունի արտաքին թշնամական հետք, բնավ դավադրության ժանրից չէ: Չպետք է մոռանալ, որ ի հեճուկս վարչախմբի կողմից մանիպուլյացիաների և ստի՝ Հայաստանի Սահմանադրության փոփոխության հարցը նույնպես թուրքադրբեջանական տանդեմի պահանջ է: Չորրորդ՝ դավաճանը կուսակրոնության հարցը օրակարգ բերելով, ամեն կերպ փորձ է անելու մանիպուլացնել հանրությանը, որպեսզի հանրությունը չտեսնի այս ամենում թշնամական հետքը: Հինգերրորդ՝ վերոգրյալ լրջագույն այս քարոզչական գրոհին հակազդելու համար, շարունակաբար պետք է շեշտել, ինչ պայմաններում և ինչից հետո է սկսվել այս գրոհը եկեղեցու նկատմամբ: Եվ վեցերրորդ՝ հարցը այլևս ոչ միայն քաղաքական է՝ այլև գոյաբանական՝ հետևաբար դատապարտող հայտարարություններից զատ վաղուց արդեն գործողությունների ժամանակն է»։