«Եթե դատարանի որոշմամբ հաստատվի, որ որևէ բնակչի պատճառվել է նյութական վնաս, կփոխհատուցենք»․ կառուցապատող

«Դիմել եք դատարան, թող դատարանը որոշում կայացնի, ինչ որոշեց, դա էլ կանենք»,- Առինջի բնակիչներին, ովքեր բողոքում են, որ իրենց սեփական տների կողքին կառուցում են բարձրահարկ և դրանով նյութական վնաս հացնում իրենց, ասաց կառուցապատողը։ «Եթե դատարանի որոշմամբ կհաստատվի, որ որևէ բնակչի պատճառվել է նյութական վնաս, այդ նյութական վնասն օրենսդրությամբ սահմանված կարգով ապացուցված կլինի համապատասխան փորձագիտական եզրակացությամբ, որում կերևա պատճառահետևանքային կապը կառուցապատողի գործողությունների միջև, կհաստատվի, որ կառուցապատողը գործել է ոչ իրավաչափ, այո՛, կփոխհատուցենք,- հայտնեց կառուցապատողը։