«Արդարությունը մեկն է». Լիլիթ Աղեկյանն ազատ է արձակվել

2025 թվականի հունիսի 3-ին, ժամը 17:50-ին, Շիրակի մարզի առաջին ատյանի ընդհանուր իրավասության դատարանը մերժել էր ՀՀ քննչական կոմիտեի նախագահ Արթուր Պողոսյանի՝ հետաքննող լրագրող Լիլիթ Աղեկյանի կալանքի ժամկետի երկարաձգման վերաբերյալ միջնորդությունը:
Քիչ առաջ փաստաբան Զարուհի Փոստանջյանը հրապարակեց տեսանյութ՝ տեղեկացնելով, որ Լիլիթ Աղեկյանն ազատ է արձակվել:

«Աբովյան» քրեակատարողական հիմնարկի մոտ Աղեկյանը շնորհակալություն հայտնեց իր աջակիցներին. «Ես լռեցի մեկ ամիս, իմ փոխարեն ինձ աջակցողները խոսեցին։ Իմ բերանը չեն կարող փակել, արդարությունը մեկն է»: