Հրահանգել է թեժացնել պայքարը․ «Հրապարակ»

«Հրապարակ»-ը գրում է. «ՔՊ վարչության անդամներին Նիկոլ Փաշինյանը հրահանգել է՝ ավելի մեծացնել եկեղեցու դեմ ճնշումը։ Հոգևորականներին վերագրվող զարհուրելի պատմություններ նետել դաշտ, նյարդերի պատերազմ վարել՝ ամեն օր թունավորելով ու վարկաբեկելով եկեղեցու սպասավորներին։

Իսկ երբ ժամանակը գա, նաև ապացույցներ, փաստեր կհրապարակեն, որոնք ձեռք են բերվել իրավապահ մարմիններին ապօրինի հրահանգներ տալու և մարդկանց անձնական կյանքի գաղտնիությունը խախտելու հետևանքով։ Առայժմ դեռ հապաղում են «բացահայտումներ անել»՝ վախենալով, որ հանրության համբերության բաժակը կարող է լցվել, և հակառակ էֆեկտը լինել։

Զուգահեռաբար, իշխանությունը նաև եկեղեցու ներսում է աշխատանքներ տանում՝ տարբեր հոգևորականների միջոցով Գարեգին Բ-ի դեմ կոալիցիա ստեղծելու և նրան հեռացնելու համար պարարտ հող ստեղծելու նպատակով։ Սակայն այս պահի դրությամբ նման հոգեւորականները, ըստ մեր աղբյուրների, դեռ փոքրամասնություն են և դժվար էլ կարողանան մեծամասնություն դառնալ ու եկեղեցու ներսում «իշխանափոխություն» իրականացնել»։