«Ստեղծված իրավիճակը մեծացնում է Ադրբեջանի ու Թուրքիայի ագրեսիայի ռիսկը»․ Տաթևիկ Հայրապետյան

Ադրբեջանագետ Տաթևիկ Հայրապետյանի թելեգրամյան գրառումը․ «Հույս ունեմ, որ ՔՊ ԳՇ շտաբի պետ Փաշինյանը կկարողանա, թեկուզ կարճ ժամանակով մի կողմ դնել Հայոց Կաթողիկոսարանը զավթելու ծրագրի պլանավորման հարցը և մի քիչ զբաղվել մանր-մունր անվտանգային թեմաներով:

Գաղտնիք չէ, որ Իրանը Սյունիքի նկատմամբ Ադրբեջանի ու Թուրքիայի ագրեսիվ քայլերի զսպման հարցում կարևոր դեր է խաղում։ Ստեղծված իրավիճակը մեծացնում է ագրեսիայի ռիսկը։ Ուստի պետք է իրականացնել դիվանագիտական, քաղաքական, տեղեկատվական ու գործնական հստակ քայլեր՝ աճող ռիսկերի չեզոքացման ուղղությամբ։ Այդ գործիքակազմը կա, աշխատել է ՊԵՏՔ։
Ժամանակին կատարված խելացի աշխատանքը կարող է կանխել բազմաթիվ վտանգավոր զարգացումներ»։