Ալեն Սիմոնյանը հաստատեց․ Նիկոլ Փաշինյանն Էրդողանի հրավերով կմեկնի Թուրքիա

220

Երեքշաբթի, 17 հունիսի, 2025 թ., 15:30

«Պատերազմի հետ կապված ռիսկերն այսօր մինիմալ են, և մենք պետք է աշխատենք, որ այն ընդհանրապես չեզոքացնենք»,- լրագրողների հետ զրույցում ասաց ԱԺ նախագահ Ալեն Սիմոնյանը՝ շեշտելով, որ այդ ուղղությամբ գործուն քայլ է վարչապետ Նիկոլ Փաշինյանի՝ հունիսի 20-ի այցը Թուրքիա։
«Այո, հաստատում եմ։ Այդ այցը պատմական է, քանի որ ՀՀ վարչապետն առաջին անգամ նման մակարդակի այց է իրականացնելու։ Երկկողմ այց է, հրավեր է արվել Թուրքիայի նախագահի կողմից, և հենց այդ ֆորմատով է լինելու»,- ասաց Սիմոնյանը՝ հայտնելով, որ Կառավարությունից կմանրամասնեն։