«Երբ եկեղեցին դառնում է թիրախ, ապա ամբողջ հավատքը դրվում է փորձության»․ Մարիա Պետրոսյան

«Վերածնվող Հայաստան» կուսակցության անդամ Մարիա Պետրոսյանի ֆեյսբուքյան գրառումը․ «Չարիքի առաջ լռելն իր ներսում արդեն մասնակցություն է չարությանը։
Չէ, բարկությունը չի մարում, այլ խորանում է, արմատ տալիս ներսում։ Այն չարիքի դեմ ներքին արձագանք է, հոգու բնական վրդովմունք, երբ արդարը խոցված է, իսկ սրբությունը՝ կոպտորեն նվաստացած։
Սրբազանների կալանավորումը հարված է ոչ թե միայն մի քանի հոգևորականի, այլ ողջ ազգային ինքնությանը։ Երբ եկեղեցին դառնում է թիրախ, ապա ամբողջ հավատքը դրվում է փորձության։ Այս ցավը չի մեղմանում ժամանակի հետ։
Չեմ սովորի՝ ապրել խեղաթյուրված ճշմարտության մեջ։ Չեմ համակերպվի՝ որ Աստծու անունն ընկճեն, իսկ լռությունը կոչեն խոհեմություն։
Որովհետև լռելը՝ երբ ձայնը պետք է բարձրացվի, նույնպես մեղք է։
Եվ համակերպվելը՝ երբ ոտնահարվում է սրբությունը, դավաճանություն է ոչ թե մարդկանց, այլ Աստծուն։
Դիմադրելու ենք։ Ոչ ատելով, այլ՝ պահելով։ Ոչ ավերելով, այլ՝ կանգուն մնալով։ Մինչև ազատվենք այս մռայլությունից, այս հոգևոր մերկացումից, այս մոռացությունից, որին անվանում են նոր իրականություն։
Որովհետև մենք ոչ միայն ապրում ենք ազգի մեջ, այլ նաև՝ պատասխանում ենք մեր ժամանակի դատին»։