«Փաշինյանը դարձավ բառի ուղիղ իմաստով բռնապետ»․ Արսեն Նիկողոսյան

Ակտիվիստ Արսեն Նիկողոսյանի ֆեյսբուքյան գրառումը․ «2018 թվականի ոչ բռնի, այսպես կոչված՝ թավշյա հեղափոխությունը, իրականում ֆեյք հեղափոխություն էր՝ բառի բոլոր իմաստներով։ Եկեք հիշենք, թե ինչ խոստումներ էր տալիս Նիկոլ Փաշինյանը այն ժամանակ։
Նա հայտարարում էր. «Ես գալիս եմ իշխանության՝ թալանը վերացնելու համար»։ Բայց ի՞նչ տեսանք իրականում։ Նա դարձավ վարչապետ, և պետական կառույցները սկսեցին բացահայտ կերպով թալանել Հայաստանի Հանրապետության քաղաքացիներին։
Նա ասում էր. «Ես գալիս եմ՝ լուծելու Արցախի հարցը»։ Իսկ ի՞նչ տեղի ունեցավ։ Նա ամբողջությամբ հանձնեց Արցախը թշնամուն։ Եվ դրանից հետո էլ շարունակում է հերթով հանձնել հայկական հողերը։
Այս յոթ տարիների ընթացքում ինչի՞ ականատեսը դարձանք․
• սուտ խոստումներ,
• թալանի նոր փուլ,
• խորացող խաբեություն,
• բռնապետական ճնշումներ,
• քաղաքական բանտարկյալներով լի Հայաստան։
Սա է Նիկոլ Փաշինյանի «հեղափոխության» իրական դեմքը։ Նա դարձավ բառի ուղիղ իմաստով բռնապետ։ Մարդ, ով զավթեց իշխանությունը՝ ժողովրդին խաբելով, և այժմ կառչած է այդ իշխանությունից՝ սպառնալիքների, վախի ու պետական լծակների կիրառմամբ»։