«Այսօրվա պատարագին ազատ տեղ չկար Սուրբ Գրիգոր Լուսավորիչ եկեղեցում»․ Մանուել Մանուկյան

Ակտիվիստ Մանուել Մանուկյանի ֆեյսբուքյան գրառումը. «Թշնամիները Մեր Սուրբ Եկեղեցու ուժերն են ուզում փորձել և հասկանալ, թե ժողովուրդը ինչքանով է կանգնած իր եկեղեցու կողքին այսօր։ Մի շարք աղանդներ փորձում են քանդել Հայ Առաքելական Սուրբ Եկեղեցին, որոնց է միացել բացահայտ կերպով նիկոլ փաշինյանը։ Տասնյակ տարիներ դիրքավորվել են հարձակվելու համար, ցանկանում են մեր եկեցու փոխարեն իրենց աղանդը հզորացնել, եկեղեցու հավատավոր ժողովրդին իրենց աղանդավոր ժողովների մեջ ընդգրկել։ Իմաստուն եղիր Հայ, եկեղեցին քո հենասյուներից մեկն է և քո տեսակի գոյության հիմքը։
Ի հեճուկս թշնամի և դավաճան ուժերի, այսօրվա Սուրբ Պատարագին ազատ տեղ չկար Սուրբ Գրիգոր Լուսավորիչ Մայր Եկեղեցում։ Հայը մնացել է Հայ դարեր շարունակ իր Սուրբ Եկեղեցու օգնությամբ։ Թուրքացման տանելու ճանապարհներից մեկը եկեղեցուն հարվածելն է, որը արվում է այսօրվա դավաճանների կողմից, բայց Հայը երբեք չի թուրքանալու։ Մասնակցեք մեր Եկեղեցու Սուրբ Պատարագներին մշտապես և ապացուցեք թշնամիներին, որ ինչքան հարվածեն եկեղեցուն այդքան կհամախմբվենք Եկեղեցու շուրջ։ Եկեղեցին յուրաքանչյուր հայի սրբություն է և յուրաքանչյուր հայ սրբության պես կպաշտպանի իր եկեղեցին։
Աստված պահապան և օգնական իրական Հայ Քրիստոնյաներին»։