«Բաքվում գիտե՞ն, որ ՌԴ-ի հետ հակադրության վերջը սովորաբար լինում են տանկերը»․ Ալեն Ղևոնդյան

Քաղաքական գիտությունների թեկնածու, դոցենտ Ալեն Ղևոնդյանի ֆեյսբուքյան գրառումը․ «Բաքվում գիտեն չէ՞, որ ՌԴ-ի հետ հակադրության վերջը սովորաբար լինում են տանկերը, որոնք գալիս ու երկար ժամանակ էլ հետ չեն գնում ... Իսկ վճարվելիք գնի մասով նրանք սովորաբար չեն անհանգստանում:
Պաթոսվելու, ոգևորվելու, դուխավորվելու, ուրիշով «հզոր» զգալու առիթ ու պատճառ չեմ տեսնում տեղաբնակների համար:
Մեր պարագայում հնարավոր երկու սցենարների արդյունքն էլ կարող է սարսափելի լինել:
Ի դեպ, երբ Երևանից Մոսկվային ասում են, թե այս իրավիճակը ՌԴ-ի սխալ քաղաքականության արդյունքն է, լավ կլինին մի հատ հայելու մեջ նայեք, հետո նոր որևէ մեկ այլ պետությանը գնահատական տանք»: