«Սահմանազատումով հանձնվելիք ճանապարհի այլընտրանքային ճանապարհն են կառուցում»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Սահմանազատման շարունակությամբ, ամենայն հավանականությամբ, Իջևան-Նոյեմբերյան ճանապարհի Կիրանց-Ոսկեպար հատվածի շատ տեղանքներ կարող են հանձնվել Ադրբեջանին,որի հետևանքով կխախտվի Իջևան-Նոյեմբերյան տրանսպորտային հաղորդակցությունը։
Իջևան-Նոյեմբերյան ավտոճանապարհին այլընտրանք է Ենոքավան-Կարմիրգյուղ-Ջուջևան ավտոճանապարհը, որի 6,3 կիլոմետր հատվածը կառուցվել է 2024թվականին, ճանապարհի մնացած, մեծ հատվածը պետք է կառուցապատվի։ Տեղեկատվական հարցում եմ ուղարկել Տարածքային կառավարման և ենթակառուցվածքների նախարար Դավիթ Խուդաթյանին․ «Ենոքավան-Կարմիրգյուղ ճանապարհի ընդամենը 6,3 կմ-ն է կառուցվել 2024թվականին։ Այդ ճանապարհի մնացած հատվածի չափագրման,նախագծման, նախահաշվի կազմման աշխատանքները ե՞րբ են սկսվել, ինչքա՞ն ժամանակ կտևեն։ Ե՞րբ է այդ ճանապարհի մնացած հատվածի շինարարության մրցութ հայտարարվելու, ինչքա՞ն գումար է նախատեսված դրա շինարարության համար»։ Ստացել եմ ՏԿԵ նախարարի տեղակալ Ավետիք Դարբինյանի ստրագրությամբ պատասխան․ «Հայտնում ենք, որ Հ26, /Մ4/-Ենոքավան-Կարմիրգյուղ(գյուղատեղի)- /Մ16/ հանրապետական նշանակության ավտոճանապարհի կմ 6+300-կմ 71+800 հատվածի հիմնանորոգման նախագիծը պատրաստ է։ Շինարարության մրցույթը կայացել է։ Մոտ 67 կմ ավտոճանապահի հիմնանորոգման աշխատանքները մեկնարկել են։ Շինաշխատանքերի պայմանագրային արժեքը 14 670 000 000 դրամ է»»։