«Ժպիտ է առաջացնում իշխանության ներկայացուցիչների արձագանքը»․ Հակոբ Կարապետյան

Լրագրող Հակոբ Կարապետյանի ֆեյսբուքյան գրառումը․ «Վստահ չեմ, որ եկեղեցականի անեծքն ու բանադրանքի սպառնալիքները մեր դարում հանրային հաղորդակցության լավ միջոց են։ Ու կարևոր չէ, որ Հայր Ասողիկը Եկեղեցու պաշտոնական տեսակետը չի ներկայացնում. պետք է իմանալ, որ իշխանական պրոպագանդայի հին ու փորձված հնարքներից է՝ իր քաղաքական հակառակորդի խնամու եզան բաջանաղի գրած քոմենթը տարածել ու ներկայացնել որպես պաշտոնական տեսակետ։
Բայց ինձ մոտ ժպիտ ա առաջացնում իշխանության ներկայացուցիչների արձագանքը՝ օրհնություն և բարեմաղթանքներ, իբր ի հեճուկս եկեղեցականի անեծքների։ Մարդիկ, որոնք հատկապես վերջին շաբաթներին ատելություն, կեղտ, ամենագռեհիկ լուտանքներն են թափել իրենց քննադատողների վրա, ապամարդկայնացրել են ընդդիմախոս անհատներին ու խմբերին, պատճենել են իրենց քաղաքական հոր ու հոգևոր մոր ամոթալի բառապաշարը, էսօր քրիստոնեական խոնարհության դասեր են տալիս։
Ինչ ասեմ, խոսքեր չկան, միմիայն մտովի օրհնանքներ»։