Երեքշաբթի, 21 ապրիլի, 2026 թ.
|
Ստեփանակերտում`   +5 °C

Լավրովը հանդիպել է Կիմ Չեն Ընի հետ

Լավրովը հանդիպել է Կիմ Չեն Ընի հետ
413
Շաբաթ, 12 հուլիսի, 2025 թ., 15:14

Հյուսիսային Կորեա կատարած այցի ընթացքում ՌԴ ԱԳ նախարար Լավրովը հանդիպել է ԿԺԴՀ առաջնորդ Կիմ Չեն Ընի հետ։

Ավելի վաղ Լավրովը բանակցություններ է վարել նաև ԿԺԴՀ արտաքին գործերի նախարարության ղեկավար Չհի Սոն Հիի հետ և ստորագրել արտաքին գործերի նախարարությունների միջև 2025-2027 թվականների համագործակցության ծրագիր։ Լավրովի այցը կտևի մինչև հուլիսի 13-ը։

Հյուսիսային Կորեայի առաջնորդը նշել է երկու երկրների դիվանագիտական գերատեսչությունների ղեկավարների միջև կանոնավոր շփումների կարևորությունը։ Լավրովը նշել է, որ Չհի Սոն Հիի հետ բանակցությունները տևել են ավելի քան երեք ժամ՝ դրանք անվանելով «առարկայական, կոնկրետ և օգտակար»։ «Նախագահը [Վլադիմիր Պուտինը] Ձեզ է հղում իր ամենաջերմ ողջույնները, հաստատում է իր հավատարմությունը ձեռք բերված բոլոր պայմանավորվածություններին և մեծ հույս ունի շարունակել Ձեզ հետ անմիջական շփումները շատ մոտ ապագայում», - Կիմ Չեն Ընին փոխանցել է Լավրովը։