«Մի շտապեք ԵՄ, այնտեղ ձեզ ոչ ոք չի սպասում»․ Լուկաշենկո

«Մոլդովան չպետք է շտապի մտնել Եվրոմիություն»,- ասել է Բելառուսի նախագահ Ալեքսանդր Լուկաշենկոն Մոլդովայի նախկին նախագահ Իգոր Դոդոնի հետ հանդիպման ժամանակ։ Այս մասին հայտնել է «Բելտա»-ն։

Լուկաշենկոն Դոդոնին ասել է, որ «ձեզ ոչ ոք ոչ մի տեղ չի սպասում»։ Բելառուսի ղեկավարը հիշեցրել է, որ անցյալ տարի ԵՄ-ն արգելափակել է հացահատիկի մատակարարումը Ուկրաինա։ «Կարծում եք՝ մոլդովացիներին այնտեղ սպասում են և նրանց հատուկ վերաբերմունք կցուցաբերվի՞։ Նույնը կպատահի նաև ձեր գյուղատնտեսական արտադրանքի, գինու և այլնի հետ», - նշել է Բելառուսի նախագահը։

Լուկաշենկոն Դոդոնին ասել է, որ մոլդովացիները պետք է գնահատեն իրենց հողերը։ «Շատ գեղեցիկ, շատ բարի, շատ պարկեշտ ժողովուրդ», - ասել է նա։