«Դա իմ շարասյունը չէ, դա վարչապետի շարասյունն է, ի՞նչ կապ ունեմ»․ Նիկոլ Փաշինյան

«Պատկերացրեք՝ ավտոբուսի մեջ եք, ու այն մարդ է վրաերթի ենթարկում, լրագրողները ձեր հետևից ընկնեն, ասեն՝ ինչի՞ վրաերթի ենթարկեցիք մարդուն։ Հասկանում եք, դա իմ շարասյունը չէ, դա վարչապետի, կոպիտ ասած, ավտոբուսն է, ՀՀ վարչապետի անվտանգությունն ապահովող ինստիտուն է»,- այսպես պատասխանեց Նիկոլ Փաշինյանը՝ անդրադառնալով իր շարասյան կողմից վրաերթի ենթարկված հղի կնոջ մահվան դեպքին։ «Երեք մեքենա էն կողմ տեղի է ունեցել ցավալի դեպք։ Ես մեքենայի մեջ նստած էի, նստած էլ մնացի։ Ես ի՞նչ կապ ունեի։ Դատավարություն է գնում, ի՞նչ անեմ ես»,- ասաց Փաշինյանը՝ նշելով, որ անգամ որպես վկա ներգրավված չէ գործում։