«Երևանի ծառերի մեծ մասը ծանր վիճակում են հայտնվել». Քրիստինա Վարդանյան

Երևանի ավագանու անդամ Քրիստինա Վարդանյանի ֆեյսբուքյան գրառումը՝ կից կադրերով․ «Երևանի ծառերի մեծ մասը՝ քաղաքում ոռոգման տարբեր խնդիրներով պայմանավորված, ինչպես նաև սակավ ռեսուրսների պատճառով, այս ամռան տապին, ջրազրկման արդյունքում, շատ ծանր վիճակում են հայտնվում։ Արտակարգ կլիներ, որ Վարդավառի #Տունտունիկից հետո համայնքապատկան Կանաչապատման և Սանմաքրման կառույցները իրական և շոշափելի օգուտ տային բոլորիս կյանքը ապահովող ծառերին՝ սաղարթները կուտակված փոշուց լվանային և հագեցնեին բույսերը խոնավությամբ։ Այլ խոսքով, անեն այն, ինչ ի պաշտոնե պարտավոր են ապահովել՝ մաքուր քաղաք և առողջ կանաչ ֆոնդ»: