«Այգին 3 տարվա ընթացքում չի ոռոգվել, խոտը չի հնձվել». Էդուարդ Հայրումյան

Ակտիվիստ Էդուարդ Հայրումյանը ֆեյսբուքյան իր էջում տեսանյութ է տարածել՝ կից գրելով․ «2-րդ մասիվի Վերածննդի այգու բարեկարգման համար Երևանի քաղաքապետարանն արդեն իսկ ծախսել է 438 միլիոն դրամ։ Այգու բարեկարգման ավարտի ժամկետ նշված էր 2024 թվականաի նոյեմբեր ամիսը, այսինքն այգին պետք է պատրաստ լիներ 8 ամիս առաջ։ Թե՛ շինարարական նորմերով, թե՛ ավագանու որոշմամբ հստակ սահմանված է, թե ինչպիսի խնամք պետք է տարվի ծառերի ու այլ բուսականության նկատմամբ շինարարության ընթացքում, բայց 3 տարում դրանց մասին որևէ կետի իրականացում չի եղել։ Այգին 3 տարվա ընթացքում չի ոռոգվել և խոտը չի հնձվել, իսկ Երևանի կանաչապատում ՀՈԱԿ-ը հրաժարվում է դա անելուց, նույնիսկ այսօր։ Վարդավառի օրը պարզվեց, որ նման տարածքները ջրելու համար Կանաչապատում ՀՈԱԿ-ում կան հիանալի ջրցան տեխնիկաներ, սական այն օրինակ այս այգում ծառայեցնելու փոխարեն Վարդավառից - Վարդավառ տնօրենի խաղալիքա ծառայում»: