«Հարավային Կորեայի հետ առևտրային համաձայնության ենք եկել»․ Թրամփ

ԱՄՆ-ն առևտրային համաձայնության է եկել Հարավային Կորեայի հետ, նրա նկատմամբ 15% մաքսատուրքեր կսահմանվեն, հայտարարել է ԱՄՆ նախագահ Դոնալդ Թրամփը Truth Social սոցիալական ցանցում։

Միացյալ Նահանգների նախագահի խոսքով՝ իր երկրից մաքսատուրքեր չեն գանձվի։

Թրամփը հայտարարել է, որ Սեուլը Վաշինգթոնին կտրամադրի 350 միլիարդ դոլար «ԱՄՆ-ին պատկանող և վերահսկվող ներդրումների» համար։ Բացի այդ, Հարավային Կորեան Միացյալ Նահանգներից կգնի 100 միլիարդ դոլարի հեղուկացված բնական գազ և այլ էներգակիրներ։