«Հետաքրքիր զարգացումներ են սկսվել Սիրիայում»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Իր առաջին հրապարակային ուղերձում Սիրիայում նորաստեղծ ընդդիմադիր «Իսլամական դիմադրության ճակատ Ուլա ալ-Բաաս»-ի հրամանատարը հանդես է եկել տեսաուղերձով, որի ընթացքում հայտարարում է համընդհանուր զորահավաքի սկիզբը՝ երկրի ազատագրման նպատակով։
Իր ելույթում նա շեշտել է, որ այս ճակատի ստեղծման նպատակը իշխանությունը զավթելը կամ այլ ուժերի հետ մրցակցելը չէ։ Գլխավոր նպատակը Սիրիան օկուպացիայից ազատագրելն է և ժողովրդի՝ ազգային որոշում կայացնելու իրավունքի վերականգնումը։
Այս շարժումը իրականում կարող է հաջողել, եթե ստանա Ասադի ընտանիքի կողմից ֆինանսական աջակցություն և կարողանա մոբիլիզացնել ալ-Ջուլանիի վարչակազմից դժգոհ զանգվածները և ազգային փոքրամասնությունները, ինչպես նաև Ռոժավայի հետ կարողանա պայմանավորվել։
Ամեն դեպքում հետաքրքիր իրադարձությունները դեռ առջևում են, անկախ նրանից, թե ինչքանով կհաջողի «Ուլա ալ-Բաաս» նոր կազմավորվող շարժումը»։