Երկուշաբթի, 20 ապրիլի, 2026 թ.
|
Ստեփանակերտում`   +8 °C

«ՀՀ քաղաքացիների հարկերով վարձատրվող կառույցներից որևէ արձագանք չկա». Էդմոն Մարուքյան

«ՀՀ քաղաքացիների հարկերով վարձատրվող կառույցներից որևէ արձագանք չկա». Էդմոն Մարուքյան
244
Երկուշաբթի, 04 օգոստոսի, 2025 թ., 12:54

ԼՀԿ ղեկավար Էդմոն Մարուքյանը թելեգրամյան իր էջում գրում է. «Արդեն հինգ ժամ է, ինչ համացանցում տարածվում է տեղեկություն այն մասին, որ ԱՄՆ նախագահ Դոնալդ Թրամփը, ինչպես սպասվում է, ուրբաթ Սպիտակ տանը կընդունի Նիկոլ Փաշինյանին և Իլհամ Ալիևին. այս մասին X-ում գրել է «Թուրան» գործակալության՝ Պետդեպում պաշտոնական թղթակից Ալեքս Ռաուֆօղլուն.

«Բազմաթիվ աղբյուրներ հաստատում են, որ Հայաստանն ու Ադրբեջանը պատրաստ են այս շաբաթվա վերջում Վաշինգթոնում հայտարարել խաղաղության իրենց մտադրության մասին»,- նշել է նա։

Այս լուրը լայնորեն տարածվում է, ամբողջ մամուլը գրում է այս մասին, սակայն ՀՀ քաղաքացիների հարկերով վարձատրվող կառույցներից որևէ արձագանք չկա։

Սպասում ենք, որ մանրամասները, ինչպես միշտ, Ադրբեջանը հայտնի՞»:

Աղբյուրը`   Էդմոն Մարուքյան