Ադրբեջանը հերքում է ՀՀ ՊՆ-ի հայտարարությունը

Ադրբեջանի պաշտպանության նախարարությունը հերքել է Սյունիքի ուղղությամբ հրետակոծության մասին Հայաստանի պաշտպանության նախարարության տեղեկատվությունը։
«ՀՀ պաշտպանության նախարարության կողմից տարածված տեղեկատվությունը, թե օգոստոսի 4-ին, տեղական ժամանակով մոտավորապես ժամը 13:10-ին, ադրբեջանական բանակի ստորաբաժանումները, իբր, կրակ են բացել Սյունիքի մարզի մարտական դիրքերի միջև ճանապարհային աշխատանքներ կատարող էքսկավատորի վրա, իրականությանը չի համապատասխանում», - ասվում է Ադրբեջանի պաշտպանության նախարարության հայտարարության մեջ։

Ավելի վաղ ՀՀ ՊՆ-ն հայտնել էր, որ օգոստոսի 4-ին՝ ժամը 13:10-ի սահմաններում, Ադրբեջանի ԶՈՒ ստորաբաժանումները կրակ են բացել Սյունիքի մարզի Վերիշեն բնակավայրից 4500 մետր հյուսիս-արևելք ընկած հատվածում միջդիրքային ճանապարհների կառուցման աշխատանքներ իրականացնող էքսկավատորի ուղղությամբ: