«Վերակենդանացման բաժանմունքներում գումար են պահանջում բուժառուից»․ Ծաղիկ Վարդանյան

«Առողջություն և իրավունք» ՀԿ համահիմնադիր Ծաղիկ Վարդանյանի ֆեյսբուքյան գրառումը․ «Իրականում ո՞ւմ էր պետք տուգանել
ՀՀ կառավարություն, Դուք նախանձելի հանգստությամբ հետևում եք, թե ինչպես ամենախոցելի բժշկական կազմակերպությունները՝ պոլիկլինկաներն ու ամբուլատորիաները և այնտեղ աշխատող թերապևտները, մանկաբուժները, ընտանեկան բժիշկները տարբեր պատրվակներով համատարած տուգանվում են:
Իհարկե, նաև անիմաստ եմ համարում այս առումով անդրադառնալ մասնագիտական ասոցիացիաներին, որոնք շատ հարմարավետ տեղավորվել են դրամաշնորհների և առողջապահության կառավարիչների տիրույթում և իրենց ՀԿ-ին անդամագրված բժիշկների իրավունքների, մասնագիտական արժանապատվության մասին լուռ են ինչպես վախեցած ձուկը:
Հիմա ըստ էության.
Առողջապահության նախարարությունը 2025թ. պետական պատվերը բժշկական կազմակերպություններում տեղադրել է ակնհայտ ուշացումով՝ 2025թ. ապրիլի ամսին,
Սոցփաթեթի շահառուների ծրագիրը 7 տարի անխափան աշխատալուց հետո 2025 թվականին ԱՆ-ը արհեստական խոչընդոտներ է ստեղծել դրա աշխատանքի համար և մինչև մայիս ամիս շահառուները սպասարկվում են օֆերտայի պայմանագրի սահմաններում՝ յուրաքանչյուր դեպք «ձեռքով» կարգավորելու սկզբունքով:
Մինչև այսօր, անկախ կիրառած պատժամիջոցներից, ԱՆ-ի շեփորահարած էլեկտրոնային դեղատոմսերի ծրագիրը լիարժեք չի գործում, Վերակենդանացման բաժանմունքներում բացարձակ գումար են պահանջում բուժառուից, անկախ նրանից, որ շտապ և անհետաձգելի բժշկական դեպքերը օրենքի կարգավորման մակարդակով պետական պատվեր են:
Խոցելի շահառուների խմբերի սիրտ-անոթային համակարգի հիվանդությունների դեղերի գնումը և այդ խմբերին տրամադրելը պոլիկլինիկաներից հանել և նվիրել են մասնավոր մանրածախ դեղատնային ցանցին, որի արդյունքում դեղերը պետական բյուջեի վրա 40% թանկ են նստում:
Կործանանար դեղորայքային քաղաքականության արդյունքում քաղաքացիները գնում են թանկ դեղեր: Ծաղկում է դեղերի սև շուկան՝ հատկապես ուռուցքային հիվանդությունների բուժման դեղերի մասով,
Իրականացնում են պետական բժշկական կազմակերպությունների չհիմնավորված օպտիմալացումներ՝ լայն ճանապարհ բացելով մասնավոր բիզնեսի համար,
և այլն…
ՀՀ առողջապահության նախարարություն, մի ինքնագնահատման գործիք էլ ձեզ համար ստեղծեք, տեսնենք դուք ձեր այսօրինակ աշխատանքը 10 բալային համակարգում ինչքա՞ն կգնահատեք:
Նիկոլ Փաշինյան, եթե հավասար իրավունքներով առողջապահական արբիտրաժ ստեղծվեր, իրականում ո՞ւմ էր պետք տուգանել՝ ԱԱՊ բժիշկի՞ն, թե՞ ձեր կողմից անվերապահորեն աջակցություն ստացող կառավարիչներին»։

«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
174Երեկ, 12:24
«Ավաղ, դեռ շարունակվում է յոդով վանդակների, կարագի, քացախով նասկիների կիրառումը». Արմեն Օհանյան (տեսանյութ)
50313.11.2026, 13:12
«Պետք է վստահ լինել, որ բժշկական գործիքներն անցել են պատշաճ ախտահանում և մանրէազերծում»․ Անուշ Պողոսյան (լուսանկար)
76211.11.2026, 00:42
«Փակվում են տուբերկուլոզի կաբինետները»․ Անուշ Պողոսյան (լուսանկար)
81609.11.2026, 23:36
PJ.2.1-ը ներկայում շրջանառվող COVID-19-ի հարուցիչներից է․ ՀՎԿԱԿ
79909.11.2026, 22:42
«Մի վիրավորեք բժշկական հանրույթի ինտելեկտը». Անուշ Պողոսյան
98706.11.2026, 01:06
«8,785 ՄԱՀ. իսկ ո՞վ գնահատեց COVID-19-ի դեմ Հայաստանի պայքարի արդյունավետությունը». Անուշ Պողոսյան
103605.11.2026, 01:06
Ծերության հոտը գոյություն ունի. գիտնականները բացատրել են, թե ինչու է այն առաջանում և ինչպես խուսափել
229304.11.2026, 23:31