«Հանրագումարի են բերվել ՀՀ-ում ու Բելառուսում քննարկված թեմաները»․ Հակոբ Բադալյան

106

Երկուշաբթի, 25 օգոստոսի, 2025 թ., 16:06

Քաղաքական մեկնաբան Հակոբ Բադալյանի թելեգրամյան գրառումը․ «Տեղի է ունեցել Պուտին-Փեզեշքիան հեռախոսազրույց: Պուտինն իրազեկել է Ալյասկայի մասին, քննարկել են երկկողմ հարցեր, նաեւ իրավիճակը Իրանի միջուկային ծրագրի շուրջ, եւ իրադրությունը Հարավային Կովկասում:

Միանգամից նկատենք, որ հեռախոսազրույցը կայանում է Փեզեշքիանի՝ Հայաստան և այստեղից էլ Բելառուս այցից հետո: Սա թույլ է տալիս եզրակացնել, որ Հայաստանում ու Բելառուսում քննարկվել են թեմաներ, որոնք կարող էին հանրագումարի բերվել արդեն Պուտինի հետ հեռախոսազրույցում:

Ըստ էության, այդ մասին ավելի առարկայական խոսակցությունն ըստ ամենայնի սպասվում է Չինաստանում, որտեղ ինչպես արդեն հայտնել եմ, օգոստոսին31-ից սեպտեմբերի 1-ին կայանալու է Շանհայի գործակցության կազմակերպության գագաթնաժողովը: Ես արդեն մի քանի մեկնաբանություն եմ արել այդ առնչությամբ, որ գագաթնաժողովից առաջ ակնհայտորեն տեղի են ունենում առանցքային դերակատարների բավականին դինամիկ շփումներ, ինչը թույլ է տալիս մտածել, որ նախապատրաստվում կամ մշակվում է քաղաքական համաձայնություն, որը կդրվի Շանհայի սեղանին: Ամենեւին այսպես ասած պարտադիր չէ, որ դա լինի գագաթնաժողովի հրապարակային սեղանին:

Բավականին հավանական է, որ կլինեն այսպես ասած ոչ հրապարակային քննարկումներ ՇԳԿ առանցքային դերակատար քառյակի շրջանակում՝ Ռուսաստան, Չինաստան, Իրան և Հնդկաստան:

Աղբյուրը` Հակոբ Բադալյան