«Գյուղատնտեսության ոլորտի կարգավորման բացակայության պայմաններում անհնար է խոսել առողջ սննդի մասին»․ Նարինե Կիրակոսյան

Լրագրող Նարինե Կիրակոսյանի ֆեյսբուքյան գրառումը․ «Հայաստանում վերջին տարիներին կաթնամթերքի գներն այնքան բարձր են, որ կաթնամթերքի օգտագործումը մինիմալի է հասել։ Օրինակ 180 գրամ կաթնաշոռն արժի 540 դրամ։ Առաջ կշիռն էլ էր ավելի շատ։ Հիմա փոքրացրել են քանակը։ Բացի դրանից՝ շուկայում իսկական կաթ, մածուն, պանիր, կաթնաշոռ, թթվասեր, կարագ գնելու համար տասը տակ պետք է ստուգել։ Որովհետև կաթ չի կաթնային պրոդուկտ է, այսինքն՝ կարող է սոյայից սարքած լինեն, բուսական, այդ թվում ալերգեններով հագեցած արմավի, կոկոսի և այլ յուղեր, կայունացուցիչներ և այլն պարունակեն։
Մեր երկրում նաև ֆերմեռությունն է մինիմալի հասցվել։ Չկա կազմակերպված մթերում, իսկ սպանդանոցների պարտադրանքից հետո գյուղացին վերացրել է իր անասուններին կամ քչացրել։
Նախկինում իմ օրական սնունդը կազմված էր մոտ մեկ կամ մեկուկես լիտր մածունից։ Հիմա ես ինձ նման ճոխություն չեմ կարող թույլ տալ։ Մարդ կա կաթից ալերգիա ունի, այսինքն՝ լակտոզայից, ես հակառակը՝ առանց կաթի, մածունի և այլ կաթնամթերքի ստիպված փոխել եմ սննդակարգս, որը բացառում է հացն ընդհանրապես, իսկ խմորից ուտեստները մինիմալի են հասցված։
Կանաչի, բանջարեղենը մնում է հիմնական սննդի միջոցը։ Բայց վերջին տարիներին այս մթերքն էլ ոչ միայն շատ է թանկացել, այլ նաև անհամ է դարձել։
Ի դեպ տեղական պտուղ-բանջարեղենի մեջ թունաքիմիկատների առկայությունը բարձր է։ Դրա մասին վերջին շրջանում քանիցս խոսել էն Դավիթ Պիպոյանն ու Բաբկեն Պիպոյանը։
Տակը մնում է միսը, որը ես ևս գրեթե չեմ օգտագործում։ Այստեղ պատճառը միայն գինը չի, այլ ավելի շատ որակը։ Օրինակ՝ ես վերջին տարիներին խոտ կերած կենդանու մսեղիք եմ նախընտրում։ Կարճ ասած գառ եմ նախընտրում, որը վաճառքում քիչ է ու տավարի մսից թանկ։ Հավը գրեթե բացառել ենք վերջին մեկ տարում, որովհետև ուտելու բան չի։ Տավարի միս 7 տարվա մեջ երեք-չորս անգամ ենք գնել։ Դուրս չի գալիս, համ էլ ինձ հակացուցված է կարմիր միսը։ Տնեցիքին էլ խոզի մսով եմ հիմնական ուտելիքները պատրաստում։
Վերջերս իմ սիրելի գործընկեր Թագուհի Ասլանյանի հետ խոսել ենք գյուղատնտեսության մեջ թունաքիմիկատների անկանոն օգտագործման մասին և դրա բացասական ներազդեցության վերաբերյալ ներկայացրել ենք իր հեռուստահաղորդման մեջ գիտնականների կարծիքները։ Այդ թվում Պիպոյան եղբայրների և ուռուցքաբան Հայկուհի Գյոքչյանի եզրակացությունը առողջության վրա սնունդի ազդեցության մասով։
Բայց գյուղատնտեսության ոլորտի կարգավորման բացակայության պայմաններում անհնար է խոսել առողջ գյուղմթերքների, առողջ սննդի, առողջ ապրելակերպի մասին։ Պետությունը պարտավոր է ժողովրդավարության մասին հոգ տանել, սակայն մեզ Հայաստանում տանում են հիվանդությունների երիտասարդացմանը, բնակչության վաղ ծերացմանը և ֆիզիկապես տկարացմանը։
Ու չասեք, թե Հայաստանից դուրս նույն պատկերն է»։