«Կասկածից դուրս է, որ մենք անցնելու ենք խորհրդարան»․ Նինա Կարապետյանց

«Կասկածից դուրս է, որ մենք անցնելու ենք խորհրդարան»,- «Ֆակտոր»-ի եթերում ասել է «Բոլորին դեմ եմ» կուսակցության վարչապետի թեկնածու Նինա Կարապետյանցը։ Պատասխանելով լրագրողի՝ արդյոք ՔՊ-ն սահմանադրական մեծամասնություն կկազմի հարցին, Նինա Կարապետյանցն ասել է․ «Ոչ, օրինական, իրավական պրոցեսներով սահմանադրական մեծամասնություն չեն կազմելու, թե ինչ կփորձեն անել, ինչ ընթացակարգ, ինչ մեթոդներ կընտրեն, ժամանակը ցույց կտա։ Մարդիկ հոգնած են, զզված են, նվաստացված են Նիկոլ Փաշինյանի կողմից, որովհետև դրսի նվաստացումը մեզ վրա այդքան ծանր չի նստում, ինչքան ներսի հայ ներկայացող մարդկանց՝ մեր նկատմամբ հետապնդումները, նվաստացումները և մնացած ամեն ինչը»։