«Կարո՞ղ է այստեղ թուրք կուսակալ նշանակեն և «առաջին գիշերվա» իրավունքը պահանջեն»․ Արթուր Խաչատրյան

«Նիկոլ Փաշինյանն ասում է՝ 2024 թվականը ամենախաղաղ տարին էր։ Դե, կներեք, ինչ ուզել են, տվել ես։ Հիմա եթե տրամաբանություն դա է՝ ինչ ուզեն, տան, որ կռիվ չլինի, բա հաջո՞րդն ինչ պիտի ուզեն»,- «24Նյուզ»-ի հետ զրույցում նշեց «Հայաստան» խմբակցության պատգամավոր Արթուր Խաչատրյանը։

«Կարո՞ղ է վաղն էլ ասեն՝ հաջորդը պահանջում ենք, որ հայերեն չխոսեք։ Կարո՞ղ է այստեղ նշանակեն գայմագամ կամ կուսակալ թուրք և առաջին գիշերվա իրավունքը պահանջեն․․․»,- նշեց պատգամավորը՝ իր դիտարկումները ներկայացնելով Նիկոլ Փաշինյանի հայտարարությունների ու գործունեության վերաբերյալ։

«Փաստացի ՀՀ իշխանությունները ՀՀ ինքնիշխան իրավազորության ներքո գտնվող տարածքները անցյալ տարի հանձնեցին Ադրբեջանին՝ ասելով՝ Ադրբեջանն էլ մեզ կհանձնի տարածքներ, բայց Ադրբեջանն ի՞նչ է հանձնել, Ադրբեջանը ոչ մի բան էլ չի հանձնել»,- ընդգծեց Խաչատրյանը։