«Ալիևին ասում է՝ Արցախն Ադրբեջան է, դասագրքում գրում է՝ Սամվել Շահրամանյանն է հանձնել». Նաիրա Զոհրաբյան

«Այս իշխանությունն Արցախը վերածեց սառնարանի ճտիկի: Այս ռիժիմը եթե մնա իշխանության, վաղը սառնարանի ճտիկ են դառնալու Հայաստանի բնակավայրերը»,- 24TV-ի եթերում ասել ԱԺ նախկին պատգամավոր Նաիրա Զոհրաբյանը՝ հավելելով, որ իշխանությանը «հաջողվեց» Արցախի նվաճված անկախությունը ջնջել: «Սա (Նիկոլ Փաշինյանը-խմբ.) էնքան ցինիզմ ունի, որ գնում, Պրահայում Արցախը ճանաչում է Ադրբեջան, տասն անգամ Ալիևի երեսին ասում է՝ Արցախն Ադրբեջան է և վերջ, բայց պատմության դասագրքում գրում է՝ Արցախը հանձնել է Սամվել Շահրամանյանը»,- նշել է Զոհրաբյանը:

Ըստ նրա՝ Հայաստանի իշխանությունների օրակարգում Արցախի հարց գոյություն չունի, բայց անընդհատ պետք է դրա մասին խոսվի, քանի որ միջազգային հանրությունն ինքը հաշտ չէ Արցախի հայաթափման հետ։