«Փոշին Երևանում վերածվել է հրետանու»․ Քրիստինա Վարդանյան

Երևանի ավագանու «Ազգային առաջընթաց» խմբակցության անդամ Քրիստինա Վարդանյանի ֆեյսբուքյան գրառումը․ «Փոշին Երևանում վաղուց անտեսանելի մարդասպանից, վերածվել է ռազմի դաշտի բացահայտ հրետանու, որը ոչնչացնում է բնակչությանը՝ նրան խեղդամահ անելով։ Քաղաքապետարանի տենդերներով իրականացվող շինաշխատանքները հեռավոր գյուղի սեփական տան բակում քարտաշի աշխատանքի մակարդակով են արվում։ «Իմ բակն է, ինչ կուզեմ կանեմ»…

Քանի՞ տեսչական ունենք Հայաստանում, որ «մանրաձկանն» է տուգանում… Առողջապահության նախարարություն, ասելիք չունե՞ք… Երկրի հիգիենիկ ծառայությունը օպտիմիզացվեց՝ արդյունքն այս անտերությո՞ւնն է։
Գոնե խոշոր ծառերը չհնձեիք, Երևանի կենտրոնի 7 փողոցներում»։