«Հասկանում եք, չէ՞ 50 հազարի և 7 հազարի տարբերությունը»․ Մարիամ Ծատրյան

934

Չորեքշաբթի, 01 հոկտեմբերի, 2025 թ., 17:18

ՀՀ Առողջապահության նախարարի մամուլի քարտուղար Մարիամ Ծատրյանն արձագանքել է Աժ ընդդիմադիր պատգամավոր Ագնեսա Խամոյանի ելույթին․ «Ինչպե՞ս կարելի է վիճակագրության հանդեպ լինել այսչափ անզգույշ, երբ հատկապես այն վերաբերում է մարդուն, մարդկային կյանքին: Տիկին Խամոյանը ԱԺ բարձր ամբիոնից քիչ առաջ հայտարարում է, թե «...Միայն 2024 թվականին 50 հազար քաղաքացու մոտ արձանագրվել է քաղցկեղ հիվանդությունը»: Այնինչ, ինչպես ի պատասխան նրա գրավոր հարցմանն ենք ներկայացրել, հիմա ևս վերահաստատում ենք. 2024 թվականի դրությամբ ՀՀ-ում ՀԱՇՎԱՌՎԱԾ Է քաղցկեղ ունեցող 50 հազ. քաղաքացի, որոնցից առաջնակի հիվանդներն են 7000-ը: Հասկանում եք, չէ՞ 50 հազարի և 7 հազարի տարբերությունը: Հասկանո՞ւմ եք, չէ՞ հաշվառվածի և կոնկրետ տարում արձանագրվածի տարբերությունը:
Մի՛ մոլորեցրեք ժողովրդին՝ տագնապային տրամադրություններ տարածելու փորձերով»:

Աղբյուրը` Մարիամ Ծատրյան