Կիրակի, 05 հոկտեմբերի, 2025 թ.
|
Ստեփանակերտում`   +12 °C

«Անզորությունից եք պնդում, թե Նիկոլն է 2026-ին հաղթելու»․ Գարեգին Միսկարյան

«Անզորությունից եք պնդում, թե Նիկոլն է 2026-ին հաղթելու»․ Գարեգին Միսկարյան
139
Այսօր, 04:36

«Ժողովրդավարական հարթակ» հիմնադրամի տնօրեն Գարեգին Միսկարյանի ֆեյսբուքյան գրառումը․ «Ուրեմն, հիշում եմ 2018-ի ապրիլի 8-ի կողմերը (Նիկոլը դեռ Հրազդան չէր մտել), երբ ասում էի «հեղափոխություն ենք անելու», «հեղափոխությունը եղած է», բոլորը, այդ թվում Նիկոլը և Արարատ Միրզոյանը, ծիծաղում էին։
-Լա՜վ էլի, Միսկարյան...
Ոչ մի կերպ լուրջ չէին ընդունում խոսքերս։ Հետո Նիկոլը խոստովանեց, որ միայն ապրիլի 16-ին է հավատացել, որ իրոք հաղթել ենք։
Չեմ խոսում իմ շրջապատի մարդկանց մասին, անգամ հարազատներս ինձ թերահավատորեն էին վերաբերվում, գուցե մտքում մտածում էին, թե գժվել եմ։
Հիմա կարդում եմ ֆեյսբուքի «էքսպերտներին», որոնք խնդրում են այն մտքի վրա, որ 2026-ին Նիկոլը չի հաղթելու, ու ինձ խորհուրդ են տալիս չհիասթափվել, չհուսահատվել։
Խոսում են, որ երրորդ ուժի անհրաժեշտությունը շատ մեծ է, բայց որ իրենք հաստատ գիտեն, որ երրորդ ուժ չի ձևավորվի և որ հաստատ Նիկոլը կհաղթի (ճիշտ այնպես, ինչպես Աշոտյանը 2018-ին վստահ էր, որ Սերժը վարչապետ է դառնալու)։
Երեկ էլ Հ1-ում Պետրոս Ղազարյանն էր նույնը անում: Եթերում փոխանակ թույլ տա ներկայացնելու մեր օրակարգը՝ ընդհատում, հեգնում էր, ու համոզում, որ մենք չենք հաջողելու։
Հիմա ես դիմում եմ ձեզ, սիրելի ֆեյսբուքահայեր։ Ինձ, ով պայքարում է Հայաստանի ինքնիշխանության, սուվերենության, սուբյեկտայնության համար, խորհուրդ եք տալիս չհիասթափվել, չհուսահատվել, քանի որ Նիկոլն է հաղթելու։
Կարո՞ղ եք մի փոքր ներքին ներհայել և ընդունել, որ դուք հիասթափված և հուսալքված եք և անզորությունից եք նման պնդումներ անում։
«Նժար» սահմանադրական շարժումը կմիավորի իր շուրջ հայ ժողովրդի առողջ պոտենցիալը՝ քաղաքական և քաղաքացիական դաշտի պատասխանատու և վճռական հատվածին, և կհաղթի 2026 թվականի ընտրություններում։
Դուք որոշեք՝ թե որ կողմն եք՝ ձեր համոզմամբ «հաղթած» Նիկոլի՞, թե Հայաստանի վերածննդի։ Մենք կանենք մեր անելիքը՝ առանց ձեզ կամ ձեր հետ, դուք ընտրեք, թե որ դաշտում եք, որ հետո չամաչեք ձեր արարքների համար:
Հա, ու մի հուսահատվեք, մի հուսալքվեք, ձեզ մի քիչ ձիգ պահեք։ Հիշեք, որ դուք միշտ ինչ-որ բան չգիտեք, և հենց այդ փոքրիկ նյուանսներն են փոխում խաղի կանոնները»։