Անդրանիկ Քոչարյանի եվրոներն ու դոլարները ավելացել են, որոնց ծագումն անհայտ է. «Ժողովուրդ»

«Ժողովուրդ»-ը գրում է. «ԱԺ ՔՊ-ական պատգամավոր Անդրանիկ Քոչարյանը իր ունեցվածքը հարստացրել է կանխիկ գումարներով, բայց դրանց ծագումը թաքցնում է. պատգամավորի՝ 2024 թվականի գույքի, եկամուտների, ծախսերի և շահերի հայտարարագրում դրանք չկան:
Պաշտոնական աղբյուրներից տեղեկացանք, որ Անդրանիկ Քոչարյանը 3 անշարժ գույք է հայտարարագրել՝ 1997 թվականին ձեռք բերված ավտոտնակ, 2002 թվականին գնված բնակարան մայրաքաղաքում և 2020 թվականին ժառանգություն ստացած ևս մեկ բնակարան. բոլոր գույքերը նա տնօրինում է միանձնյա սեփականությամբ։
ՔՊ-ական պատգամավորը որպես օրինական եկամուտ հայտարարագրել է միայն 2024 թվականին ստացած 13 միլիոն 188 հազար դրամը, որը ԱԺ աշխատակազմից ստացած աշխատանքի վարձատրություն է։
ՔՊ-ական պատգամավորի բանկային հաշիվների մնացորդները տարեվերջին ավելացել են։
Հաշիվների մնացորդներում դրամային փոխարժեքով տարեսկզբին առկա էր 0 դրամ, իսկ տարեվերջին դարձել է 2 մլն դրամ։

Հաշիվների մնացորդները տարեսկզբին կազմել են 88 դոլար, ապա աճել՝ դառնալով 2 հազար 98 դոլար։ Տարեսկզբին դրանք կազմել են 88 դոլար, ապա աճել՝ դառնալով 2 հազար 98 դոլար։

Եվրոն հաշիվներում տարեսկզբին կազմել է 1000 եվրո, որը կրկնապատկվել է՝ դառնալով 2 հազար եվրո, դրամական մեկ այլ հաշիվ գրեթե 1 միլիոնով կրճատվել է՝ 5 մլն 854 հազար դրամից դառնալով 4 մլն 54 հազար դրամ։

Սրան զուգահեռ՝ 2023 թվականի հայտարարագրի համեմատ Քոչարյանը նախորդ տարի բարելավել է բանկային հաշիվների մնացորդների քանակը։
2023 թվականին նա ունեցել է ընդամենը 88 դոլար, 1000 եվրո և 5 մլն 854 հազար դրամ։

Աճել են նաև Անդրանիկ Քոչարյանի կանխիկ միջոցները. 2,000-ը տարեվերջին կրկնապատկվել է՝ դառնալով 4000 եվրո, 3000 դոլարը՝ դարձել 5000 դոլար, իսկ 4,700,000 դրամը՝ 4,850,000 դրամ։
Այս գումարների ծագման աղբյուրը պաշտպանված է հայտարարագրով։ Թե որտեղից ավելացած եվրոներն ու դոլարները միայն աշխատավարձով ապրող Քոչարյանին, հարցական է:

Անդրանիկ Քոչարյանի հետ համատեղ բնակվում է որդին՝ Վազգեն Քոչարյանը և կինը՝ Լուսինե Քոչարյանը։

Ըստ պատգամավորի հայտարարագրի՝ Քոչարյանի հետ բնակվողները չեն աշխատում։
Որդին որեւէ եկամուտ չի հայտարարագրել: Որպես շարժական գույք Վազգեն Քոչարյանը հայտարարագրել է 2022 թվականին գնած մեքենան, 2 հազար 400 դոլար եւ 4 մլն 150 հազար դրամ կանխիկ դրամական միջոց։ Թե այս գումարները որտեղից պատգամավորի գործազուրկ որդուն, կրկին հարցական է, ինչպես պատգամավոր հոր գումարները։

Քոչարյանի չաշխատող կինը կիսադատարկ հայտարարագիր է ներկայացրել, ինչպես որդին։ Կնոջ բանկային հաշիվների մնացորդները կազմել են 13 եվրո, 20 դոլար, 92 հազար 977 դրամ։

Կանխիկ դրամական միջոցը կազմել է 170 հազար դրամ, 3,5 հազար դոլար»։

Մանրամասները՝ թերթի համարում: