«Հուսանք՝ առջևում պուրակի ցախավելապատում չի սպասվում»․ Քրիստինա Վարդանյան

Երևանի ավագանու «Ազգային առաջընթաց» խմբակցության անդամ Քրիստինա Վարդանյանի ֆեյսբուքյան գրառումը․ «Ամբողջությամբ ավերակի վերածվելուց հետո, Կոմիտասի անվան պուրակը վերադարձվեց համայնքին։ Տասնյակներով ծառեր չորացան, այդ թվում սոսիներ, որոնք Երևանում ապրող սերունդների միջև կապն էին։ Ցավոք, սա անգրագետ կառավարման օրինակներից մեկն է, երբ տերը չգիտի անելիքն ու տանուլ է տալիս իրենից առաջ ապրող սերունդների ստեղծածը… Կենդանի բույսերով պուրակին օտարված շենքի նման վերաբերվել չի կարելի, պարզ բաներ, որոնք այդպես էլ հասանելի չդարձան։
Հուսանք, որ առջևում պուրակի ցախավելապատում չի սպասվում…»։