«Երևանի թեղիներն են, որոնց քաղաքապետարանը դատապարտել է մահվան»․ Քրիստինա Վարդանյան

Երևանի ավագանու անդամ Քրիստինա Վարդանյանի ֆեյսբուքյան գրառումը․ «Երևանի թեղիներն են, այն ծառերը, որոնց քաղաքապետարանը դատապարտել է մահվան և երեք տարի է ոչնչացնում է՝ հանուն օտարածին ծաղկող, գնդիկների։ Գեղեցիկ, սաղարթաշատ և Երևանի կլիմային ամենահարմար բույսն է։ Փողոցների կանաչապատման համար գերկարևոր և ֆունկցիոնալ ծառատեսակ է՝
․ գարնանն առաջինն է բացում տերևը և քաղաքին էկոծառայություն մատուցում,
․ տերևաթափն ավարտվում է դեկտեմբերին, տերևային զանգվածը շատ երկար է ծառայում, մնացած ծառերից տարբերվող է,
․ փոշին նստեցնելու եզակի ունակություն ունի, շնորհիվ տերևի կառուցվածքի,
․ մեծ ստվերային մակերես է առաջացնում, քանզի բարձրաբուն է և ունի խիտ և լայն սաղարթ,
․ սերմը թռչունների համար սնունդ է։
Ազնիվ եղեք, Բնությունը լռում է, բայց չի ներում։ Կանգ առեք, դադարեցրեք կանաչ սպանդը, խնայեք ձեր երեխաների կյանքն ու ապագան։
Աստծո արվեստն է Բնությունը, մի վնասեք…»։