«Միսս Տիեզերք» մրցույթի կազմակերպիչը մասնակցուհուն հիմար է անվանել և դուրս վռնդել

MS News-ի փոխանցմամբ՝ Թաիլանդում անցկացվող «Միսս Տիեզերք» մրցույթի կազմակերպիչը հրապարակայնորեն նվաստացրել է մեքսիկացի մասնակցուհուն և ստիպել նրան լքել միջոցառումը։

Վեճը ծագել է հովանավորային լուսանկարահանման պատճառով։ Ֆատիմա Բոշը բաց է թողել լուսանկարահանումը՝ չնայած նա պետք է մասնակցեր մյուս մասնակիցների հետ միասին։ Կազմակերպիչ Նավատ Իցարագրիսիլը ստիպել է նրան բարձրանալ բեմ և բացատրել իր բացակայության պատճառը:

Ֆատիմա Բոշը հայտարարել է, որ չէր կարող մասնակցել իր ազգային կազմակերպության ներքին կանոնակարգի պատճառով, որը սահմանում է, որ նման միջոցառումներին մասնակցելու համար անհրաժեշտ է հաստատում։ Ի պատասխան՝ Իցարագրիսիլը նրան անվանել է «հիմար», պահանջել է, որ լռի և լքել դահլիճը։ Նա նաև կանչել է անվտանգության աշխատակիցներին։

Իտարագրիսիլը նաև սկսել է սպառնալ մյուս մասնակիցներին։ Նա հայտարարել է, որ նրանք, ովքեր չեն ցանկանում մասնակցել բոլոր փուլերին և միջոցառումներին, կարող են լքել միջոցառումը։ Մեքսիկացի գեղեցկուհու հետևից մի քանի այլ աղջիկներ ևս հեռացել են ի նշան բողոքի։ Այս ամենը տեղի է ունեցել սոցիալական ցանցերում ուղիղ հեռարձակման ժամանակ։

Միջադեպից հետո «Միսս Տիեզերք» մրցույթի գլխավոր գրասենյակը պաշտոնական հայտարարություն է տարածել՝ ափսոսանք հայտնելով և դատապարտելով կազմակերպչի վարքագիծը։ Նավատ Իցարագրիսիլը ներողություն է խնդրել Ֆաթիմա Բոշից։