Բագրավանում լուսանի ձագ է հայտնաբերվել

«Շիրակ կենտրոն» ՀԿ նախագահ Վահան Թումասյանը երեկ ֆեյսբուքյան իր էջում տեսանյութ էր հրապարակել ու հայտնել, որ Բագրավան գյուղում նկատել են լուսանի ձագ: Գիշերը ձագն անցկացրել է գյուղացիներից մեկի գոմում՝ ուտելով նրա խորոզը: Գյուղացիները գիշատչին բռնել են և պահել մինչև բնապահպանների ժամանումը:
Այժմ լուսանը տեղափոխվել է Երևանի կենդանաբանական այգի, որտեղ մեծանալուց հետո նրան ազատ կարձակեն Խոսրովի արգելոցի տարածքում:
Գյուղի երիտասարդների խնդրանքով լուսանին կանվանեն Բագրավան: Թե ինչու է ձագը մնացել առանց մոր, հայտնի չէ: